समाजमा कुसंस्कारको रूपमा व्याप्त रहेको छाउपडी प्रथाको अन्त्य गर्ने सन्देश बोकेको जनचेतनामूलक गीत सार्वजनिक भएको छ । राजेन्द्र शाह वि.पी.को शब्द सङ्कलन रहेको गीतमा विनोद वाजुरेलीले सङ्गीत दिएका छन् ।
चर्चित गायिका रेखा जोशी, शर्मिला बि.सी. र हर्क खडायतको स्वरमा सजिएको उक्त गीत सुदूर साहित्य प्रतिस्ठानको प्रस्तुतीमा बजारमा आएको हो ।
पिसविन बाजुराको आर्थिक सहयोगमा तयार पारिएको सो गीतको निर्देशन भीम थापाले गरेका छन । कृष्ण ओलीले परिकल्पना गरेको गीतमा हर्क खडायत, मनीषा रोकाया, करिष्मा रोकाया, अङ्गे रोकाया लगायतको अभिनय र निशान्त रोकाया लगायतले नृत्य गरेको गीतका सर्जक खडायतले बताए ।
बाजुराको स्थानीय जनजीवन, भेसभुसा तथा रहन सहनलाई निकै महत्वका साथ उठाइएको सो गीतले समाजमा छाउपडी प्रथाको अन्त्यका लागि महत्त्वपूर्ण भूमिका खेल्ने गीतका शब्दकार राजेन्द्र शाह बिपी को भनाई छ ।
यसरी समाजमा जरा गाढेको कु प्रथाको अन्त्य गर्ने उद्देश्यले तयार पारिएको उक्त गीतको निर्माणमा पदम कठायतको विशेष भूमिका रहेको गीतका गायक खडायतले बताए ।
सो गीतले ऐतिहासिकता र समाज रूपान्तरणका महत्त्वपूर्ण भूमिका निर्वाह गरेको छ ।
छाउपडी सम्बन्धी उक्त गीत खप्तड म्युजिकको युटुव च्यानलबाट बजारमा आएको गीतका सर्जक खडायतले जानकारी दिए ।
