अखिल (क्रान्तिकारी ) कैलाली स्वास्थ, प्राबिधिक तथा चिकित्सा शिक्षामा भईरहेको विकृति विरुद्ध प्रदर्शन गरेको छ। धनगढीमा भएको प्रदर्शनमा अखिल (क्रान्तिकारी) का जिल्ला संयोजक सुबास किरण जोशी ले सम्बोधन गरेका हुन्। सम्बोधनका क्रममा जोशीले सरकार नागरिकका स्वास्थ समस्या प्रति गम्भीर नबनेको, दुर्गम पिछडिएको बस्तीहरुमा सरकारको सामान्य उपस्थिति समेत नरहेको, जनताले सामान्य ज्वरो आउँदा पनि उपचारका लागि निकै टाढा पुग्नुपर्ने बाध्यता रहेको बताए।
कपिपय नागरिकहरुले बाटोमै निधन हुने गरेको उनको भनाई छ। उचित स्वास्थ सेवा पाउन जनताले राजधानीका महङ्गा अस्पतालमा भर्ना हुनुपर्ने तर आर्थिक अवस्थाले नभ्याउने हुँदा रोग लुकाएर बाच्नुपरेको, महिलाका स्वास्थ समस्या झनै बिकराल बन्दै गएकोले नागरिक को स्वास्थ प्रति गम्भीर बन्न सरकार सं आग्रह गरे। यस्तै सरकारले मेडिकल शिक्षा प्रति गरेको खेलवाडले भविस्यमा झनै बिकराल स्थिति आउनसक्ने भन्दै सरकारलाई समयमै सजगता अपनाउन पनि आग्रह गरे।
सरकारले आफ्नो नजिकको र कमिसनको आधारमा चिकित्सा शिक्षा अध्ययन संस्थालाई संचालन गर्न अनुमती दिने गरेकोप्रति आफ्नो संगठन को गम्भीर ध्यानाकर्षण भएको भन्दै सामान्य अध्ययन नै नगरी मनपरि गरि संचालन अनुमती दिए देशैभर सशक्त प्रतिरोध गर्ने चेतावनी दिए।
