गत असार २ गते जमरानीबाट खोप पु¥याउन जोगबुडा हिँडेकी अस्मिता त्यही दिनदेखि बेपत्ता भइन् । ५ गते कार्यालयबाट करिब १ घण्टको दुरीमा रहेको पशुराम नगरपालिका–९ स्थित हट्वानी सामुदायिक वनमा उनको शव फेला प¥यो । तर घटनाको डेढ महिना बितिसक्दा पनि अनुसन्धान सकिएको छैन ।
‘हामीलाई न्याय मिलेन,प्रहरीबाट पनि हामी पीडित बन्या’ैँ,मृतक अस्मिताका श्रीमान अमर धामीले भने,‘रिपोटहरू आएको छैन,हामी अनुसन्धानमा छौँ भन्दै प्रहरीबाट झुकाउने मात्र काम भएको छ,हामीले पोस्टमार्टम रिपोट पनि पाएका छैनौँ।’
‘शव भेटिएको तीन दिन पछि मात्रै पोस्टमार्टम गरीएको थियो,त्यतिखेर पनि प्रहरी र स्वास्थ्यकर्मीले पोस्टमार्टममा ढिलाइ गरे,मृतकका आफन्त नर बहादुर धामीले भने,‘तर त्यो पोस्टमार्टम रिपोर्ट हामीलाई हेर्न दिइएको छैन,घटनास्थल र शव हेर्दा त्यो हत्या नै भएको हो।’
‘घटनाको प्रकृति हेर्दा हत्या भएको देखिन्छ,’स्थानीय वैद्यनाथ माध्यमिक विद्यालयका प्रधानाध्यापक तेजबहादुर विष्टले भने, निधारमा डुङ्गाले हानेर मारेको जस्तो थियो,घटना भएको डेढ महिना बित्दा पनि दिन प्रहरीले दोषी पक्राउ नगरी घटनालाई ओझेलमा पार्न खोजेको देखिएको छ।’
अनुसन्धान जारी छ : प्रहरी
डडेल्धुराको पर्सुराम नगरपालिका–८ स्थित आधारभूत स्वास्थ्य कार्यालय जम्रानीमा कार्यालय सहयोगीको रूपमा कार्यरत अस्मिता धामीको शव भेटिएको डेढ महिना बित्दा पनि अहिलेसम्म प्रहरीले घटनाको सत्य÷तथ्य सार्वजनिक गर्न सकेको छैन ।
पोस्टमार्टम रिपोर्टले उनको हत्या भएको देखाए पनि प्रहरीले कुनै प्रमाण र सुराक नभेट्दा घटना रहस्यमै छ ।
अस्मिताको साथमा रहेको मोबाइल प्रहरीले शव भेटेको तीन दिनपछि मात्र फेला पारेको थियो । शव भेटिएको स्थानबाट करिब १०० मिटर तल प्रहरीले मोबाइल फेला पारेको थियो । त्यो मोबाइल पनि परीक्षणका लागी काठमाडौँ पठाइएको छ ।
घटनाको अनुसन्धान सकिएको छैन,हामीले तथ्य र प्रमाण खोज्दैँछौँ, जिल्ला प्रहरी कार्यालय डडेल्धुराका प्रवक्ता प्रहरी निरीक्षक राजेन्द्र चन्दले भने, ‘अहिले नै केही भन्न सकिने अवस्था छैन,भिसेरा परीक्षण भइरहेको छ,त्यसका साथै अन्य कुराको पनि परीक्षण सकिए पनि मात्रै यो घटनाबारे बोल्न सकिन्छ ।’
‘मृतकको शरीरबाट आवश्यक चिज सङ्कलन भएको छ । घटना स्थलमा पनि केही कुराहरू बरामद भएको छ । ती सबैको अनुसन्धानपछि घटनाबारे थाहा हुन्छ,’उनले भने ।
घटनाको अनुसन्धानका लागि खटिएका सङ्घीय प्रहरी इकाई कार्यालय र प्रदेश प्रहरी कार्यालयको टोली फर्किसकेको छ ।
‘क्षतिपूर्ति सम्म पाएनौँ’
घटना पछि पीडित धामी परिवार र नगरपालिकाबिच भएको सहमति पनि कार्यान्वयन भएको छैन । क्षतिपूर्ति स्वरूप पर्शुराम नगरपालिकाले ७ लाख ५० हजार र वडाबाट २ लाख ५० हजार राहत दिने सहमति भएको थियो । तर, हालसम्म नगरपालिकाले राहत स्वरूप दिनुपर्ने रकम समेत नदिएको अस्मिताको न्यायका लागि गठित सङ्घर्ष समिति संयोजक धनबहादुर बोहराले बताए ।
‘अस्मिताको शव बुझ्नुभन्दा अगाडि उनका आफन्त र नगरपालिकाबिच सहमति भएको थियो। तर, सहमति कार्यान्वयनमा भने नगरपालिकाले चासो दिएन,बोहराले भने,‘नगरप्रमुख भीमबहादुर साउँदले उति बेला शव चाँडो बुझेमा सहमति चाँडै कार्यान्वयन हुने आश्वासन दिए,तर अहिले वास्ता नै गरेका छैनन्।’
जमरानी आधारभूत स्वास्थ्य केन्द्रको नाम ‘अस्मिता’ आधारभूत स्वास्थ्य केन्द्र राखिनुपर्ने, मृतकका श्रीमानलाई आफन्तलाई स्वास्थ्य केन्द्रमा रोजगारीको व्यवस्था हुनुपर्नेलगायत माग सङ्घर्ष समितिको थियो डेढ महिना हुँदासम्म यी माग पनि नगरपालिकाले सम्बोधन नगरेको उनीहरूले गुनासो गरेका छन् ।
अस्मिताका श्रीमानलाई स्वास्थ्य केन्द्रमा कार्यालय सहयोगी राखिएको भए पनि नियुक्ति पत्र भने नगरपालिकाले अझै दिएको छैन ।
‘मैले कार्यालय सहयोगीको काम गरिरहेको छु,तर नियुत्ती पत्र पाएको छैन,१० लाख क्षतिपूर्ति दिने भनेका थिए त्यो पनि अझै पाइएन,घटनाको बेला छोरीहरूको पढाईका लागी पनि छुट्टै खर्च दिने भनिएको थियो तर सहमतिका कुनै पनि बुद्धा कार्यान्वयनमा आएका छैनन्।’
नगरपालिकाका प्रमुख प्रशासकीय अधिकृत तारानाथ पनेरूले नगरपालिकाले दिने भनेको साढे ७ लाख रुपैयाँ प्रक्रियामा रहेको बताए । ‘यो आर्थिक वर्षमा हामीले क्षर्तीपूर्ती रकम दिन्छौँ,उनले भने,‘नियुक्ति पत्र दिने प्रक्रिया पनि स्वास्थ्य शाखाले अगाडि छ,आधारभूत स्वास्थ्य केन्द्रको ‘अस्मिता’ नाम राख्ने भन्ने विषय भने जटिल हो,स्वास्थ्य केन्द्र सङ्घीय सरकारको लागतमा निर्माण भएका हुनाले मृतकको नाम राख्न जटिलता सिर्जना हुन्छ।’
