साहित्य हाम्रो
राष्ट्रिय पहिचान
सुसेली राम्रो ।।
चम्किनु धेरै
संसारले चिनेर
लम्किनु फेरै ।।
जित हुनेछ
सत्य बाटो हिँड्नेको
हित हुनेछ ।।
हेला नगर्नु
मान्छे सबै एकै हुन्
गाली नगर्नु ।।
ज्ञानी भएर
राम्रो काम गरेकी
सानी भएर ।।
राम्रो चोलीले
प्रभावित पर्यो नि
मीठो बोलिले ।।
ध्यान दिएर
कर्म राम्रो गर्नु है
ज्ञान लिएर ।।
हेर्नु संसार
आमाको माया सारै
हुन्छ आपार ।।
गीत गाएर
सबै खुसी भए नि
मित लाएर ।।
दिन ढल्यो है
बेसरी नै सरर
हावा चल्यो है ।।
रिता खराल , रुपन्देही
