सेनाको गाडीले ठक्कर दिँदा मोटरसाइकलमा सवार एक जनाको मृत्यु भएको छ भने २ जना घाइते भएका छन् । बुधबार साँझ साढे ६ बजेतिर महेन्द्र राजमार्गअन्तरगत पुर्वपश्चिम सडक खण्डको गोदावरी नगरपालिका(८ स्याउलेमा नेपाली सेनाको तेघरी स्थित प्रदेश ३, ०१००१ ग २७३२ नम्बरको ट्रकले म २ प २१७८ नम्बरको मोटरसाइकललाई ठक्कर दिँदा मोटरसाइकलमा सवार धनगढी उपमहानगरपालिका(११ घोडसुवाकी १५ वर्षीया विद्या रानाको मृत्यु भएको प्रहरीले जानकारी दिएको छ ।
ईलाका प्रहरी कार्यालय मालाखेतीका प्रमुख प्रहरी नायब उपरीक्षक ९डिएसपी० प्रेम शाहीले नेपाली सेनालाई टिकापुर छोडेर फर्कदै गरेको ट्रक र मोटरसाइकल ठोक्किएर दुर्घटना हुँदा मोटरसाइकलमा सवार ३ जना घाइते भएकोमा १ रानाको उपचारको क्रममा मृत्यु भएको बताए ।
त्यस्तै घाइते धनगढी उपमहानगरपालिका ५ का प्रीन्स बम र वडा नम्बर ३ का उमेश कार्कीको उपचार भैरहेको डिएसपी शाहीले बताए । उनले ठक्कर दिने ट्रक र चालक प्रहरी नियन्त्रणमा रहेको जानकारी दिए ।