स्थानीयले सुरक्षा सावधानी नअपनाउँदा दार्चुलामा पुनः कोरोना संक्रमण बढेको छ । परीक्षण गराएकामध्ये आधा व्यक्तिमा कोरोना देखिएको स्वास्थ्य कार्यालय दार्चुलाले जनाएको छ । कार्यालयका अनुसार निषेधाज्ञा खुकुलो भएपछि स्थानीयहरू जथाभावी हिँडडुल गर्दा कोरोना संक्रमण बढेको हो । दुई दिनको अवधिमा ८१ जनाको स्वास्थ्य परीक्षण गर्दा १९ जनामा कोरोना देखिएको स्वास्थ्य कार्यालय दार्चुलाले जनाएको छ।

‘निषेधाज्ञा जारी हुँदा केही समय संक्रमित घटे, तर लकडाउन खुल्नासाथ संक्रमण दर आधा बढ्यो,स्वास्थ्य कार्यालय दार्चुलाका जनस्वास्थ्य निरीक्षक जय राज भट्टले भने। अब यहि तरिकाले ‘दैनिकजसो संक्रमित बढे नियन्त्रण गर्न गाह्रो हुन्छ । शुक्रबार र शनिबार जिल्लाको व्यासँ गाउँपालिकाको सुन्सेरामा गरिएको ४८ जनाको परीक्षणमा २९ जनामा कोरोना देखिएको छ।

शुक्रबार १२ जनाको कोरोना परीक्षण गर्दा १२ जनामा नै कोरोना देखिएको छ भने शनिबार पनि थप ३६ जनाको कोरोना परीक्षण गर्दा १७ जनामा कोरोना संक्रमण पुष्टि भएको स्वास्थ्य कार्यालय दार्चुलाका जनस्वास्थ्य निरीक्षक भट्टले बताए। शनिबार मात्रै जिल्लाको जिल्ला अस्पतालमा पनि ७ जनाको कोरोना परीक्षण गर्दा २ जनामा कोरोना पुष्टि भएको छ ।

पुलघाट नाकामा गरिएको २६ जनाको परीक्षणमा कसैमापनि कोरोना संक्रमण पुष्टि नभएको पाइएको छ । पछिल्लो समय सबै बजार, व्यवसाय खुला भएपछि गाउँबाट आएका उपभोक्ताले स्वास्थ्यका न्यूनतम मापदण्ड ९मास्क, स्यानिटाइजरको प्रयोग, सामाजिक दूरी कायम गर्ने० कामलाई पालना नगरेका कारण जिल्लामा संक्रमितको सङ्ख्या निकै धेरै बढेको पाइएको छ।कोरोना परीक्षणको दर निकै साँघुरो बनाएको दार्चुलामा केहीदिनयता मात्रै कोरोना संक्रमित बढदै गएका छन। अहिलेसम्म जिल्लाभर एक हजार १ ८९ जनामा कोरोना संक्रमण पुष्टि भएको छ। हाल सम्म १ हजार १ सय २८ जनाले कोरोना जितेका छन।

जिल्लाको लेकम गाउँपालिका बाहेक अन्य आठ वटा स्थानीय तहमा कोरोनाका संक्रिय संक्रमित रहेको पाइएको छ। स्वास्थ्य कार्यालय दार्चुलाका अनुसार हाल जिल्लाको व्याँस गाउँपालिकामा २९ जना कारोनाका संक्रिय संक्रमित रहेको पाइएको छ।

महाकाली नगरपालिकामा ४ जना शैल्यशिखर नगरपालिका,अपि हिमाल गाउँपालिका मार्मा गाउँपालिका नौगाड गाउँपालिकामा समान १÷१ जना तथा दुहुँ गाउँपालिका मालिकार्जुन गाउँपालिकामा समान २÷२ जना कोरोनाका संक्रिय संक्रमित रहेका छन। हाल जिल्लामा ४० जना कोरोनाका सक्रिय सक्रमित रहेका छन हाल ४ जनामा आइसोलसनमा बसेका छन भने अन्य ३६ जना होमआइसोलसनमा रहेका छन।