नेकपा माओवादी केन्द्र घोडाघोडी नगर कमिटी अध्यक्षमा खगेन्द्र हमाल निर्विरोध चयन भएका छन् । नगरको ऐतिहासिक दोस्रो सम्मेलनबाट हमालको नेतृत्वमा ५८ सदस्यीय नगर कमिटी चयन गरीएको हो । कमिटीको उपाध्यक्षमा गणेश विष्ट,विनोद विश्वकर्मा, कर्ण बोहरा, सचिवमा भरत विष्ट, कोषाध्यक्षमा राजमति अधिकारी र सह सचिवमा लक्ष्मण न्युरे चयन भएका छन् ।
मसिंर ११ गते प्रथम नगर सम्मेलन सुरु भए पनि अध्यक्ष र अन्य पदमा आकाङ्क्षी धेरै हुँदा सहमति जुट्न सकेको थिएन । अध्यक्ष र अन्य पदमा सहमति हुन नसके पछि शुक्रवार मतदान मार्फत नगरको टुङ्गो लगाउने भनिए पनि अन्तिम समयमा सहमति मार्फत नै नगरको जिम्मेवारी बाँडफाँड गरीएको थियो ।
विद्यार्थी राजनीतिबाट आएका हमाल यसअघि माओवादी नगर कमिटी इन्चार्ज,पाटी एकताको समयमा नेकपाको सचिवको जिम्मेवारी सम्हालेका थिए ।
नगर कमिटी अध्यक्षमा निर्विरोध चुनिएपछि प्रतिक्रिया दिँदै हमालले पार्टीलाई मजबुत र एक ढिक्का बढाएर अगाडी बढाउने प्रतिक्रिया दिएका छन् ।
कैलालीका अधिकांश स्थानीय तहमा माओवादी केन्द्रले सहमतिमै नेतृत्व चयन गरिसकेको छ । गएको मङ्सिर ४ गते देखी माओवादी केन्द्रले नयाँ नेतृत्व चयन सुरु गरेको थियो । पुस ११ देखि १३ गतेसम्म राष्ट्रिय सम्मेलन तय भएको छ ।
