सुदूरपश्चिम प्रदेश सरकारका मुख्यमन्त्री त्रिलोचन भट्टले थारु समुदायको अगुवा भन्भन्सालाई कानुनी मान्यता दिने कानुनको आवश्यकता भएको बताएका छन् ।
सोमबार कैलालीको घोडाघोडी ताल क्षेत्रमा आयोजित ल्वांगी पूजा तथा सांस्कृतिक महोत्सव उद्घाटन गर्दै मुख्यमन्त्री भट्टले यस्तो बताएका हुन् । अहिले पनि थारु समुदायमा कुनै पनि काम गर्दा भल्भन्साहरुको सुझावबाट गर्नुका साथै गाउँको अगुवा समेत भन्भन्साले गर्ने भएकाले कानुनी मान्यता आवश्यकता भएको जनाइएको छ ।
मुख्यमन्त्री भट्टले घोडाघोडी ताल धार्मिकपर्यटकले महत्त्वपूर्ण भएको बताउँदै उक्त क्षेत्रमा सबै समुदायको प्रतिनिधित्व गर्ने गरी सुदूरपश्चिमकै ठुलो मन्दिर निर्माणमा प्रदेश सरकारले सहयोग गर्ने प्रतिबद्धता व्यक्त गरे ।
उनले सबै जातजातिको संस्कृति परम्परा जोगाउन प्रदेश सरकार सदैव साथमा रहेको बताए । साथै उनले ल्वा·पुजा तथा सांस्कृतिक महोत्सवका लागि आउनेबर्षमा प्रदेश सरकारले व्यवस्थापनकलालागि सहयोग गर्ने बताए । उनले थारु समुदायका जेहेन्दार विद्यार्थी कालागि प्राविधिक शिक्षा पढ्न चाहेकालाई छात्रवृत्तिको व्यवस्था गरेको समेत जानकारी दिए ।
उद्घाटन कार्यक्रममा राष्ट्रिय सभा सदस्य हरीराम चौधरी, कृषि मन्त्री विनीता चौधरी घोडाघोडी नगरपालिकाका नगर प्रमुख ममता प्रसाद चौधरी नेकपा माओवादी केन्द्रका नेता नैनसिंह चौधरी, नेकपा एमाले नगर अध्यक्ष बक्त शाही, नेपाली काँग्रेस नगर अध्यक्ष बम् बहादुर सिंह लगायत थारु अगुवाहरूको उपस्थिति रहेको थियो ।
हरेक वर्ष विवाह पञ्चमीको दिनमा गरिने उक्त पूजा विशेष गरी नयाँ अन्न आफ्ना देउतालाई चढाएर पूजा गर्ने चलन छ भने बली दिने प्रथा समेत रहेको छ । उद्घाटन कार्यक्रममा थारु समुदायको झाँकी, कला संस्कृति,भेषभुषा र खानेकुराले स्वागत गरिएको थियो । कार्यक्रम नगर भल्भन्सा बुधराम चौधरीको अध्यक्षतामा सम्पन्न भएको थियो ।
