कञ्चनपुरको बेलौरी स्थित महाकाली सुगर मिलमा भारतबाट भित्र्याइदै गरेको उखु रोक्ने ५ जनालाई प्रहरी पक्राउ गरेको छ । बेलौरी नगरपालिका (१० शिवनगर स्थित महाकाली सुगरमिल नजिक शनिबार राती केही स्थानीयहरुले भारतबाट आएको उखु भन्दै ट्याक्टर ट्रालीलाई रोकेका थिए ।
बाटोमा ट्याक्टर ट्राली रोकिएपछि केहि बेर बादबिवाद भएको थियो। धेरै विवाद हुन थालेपछि महाकाली सुगर मिलमा आउदै गरेको उखु रोक्ने ५ जनालाई प्रहरीले पक्राउ गरेको छ ।
ईलाका प्रहरी कार्यालय बेलडाडीका प्रहरी निरीक्षक कृष्ण कुवरले मिलको गेटमा आएका ट्याक्टर ट्रालि रोकिरहेपछी सोधपुछ गर्न पक्राउ गरेको बताए ।
किसान पक्राउ परे पछि उनका आफन्तहरुले अहिले मिलको प्रवेश गेटमा ताला लगाएका छ्न । भारतबाट उखु भित्रिने गरेको, मिलले फोहर व्यवस्थापन नगर्दा सास्ती खेप्न परेको, मिल संचालन हुदा भएका थुप्रै सम्झौता पूरा नभएको भन्दै मिल वरपरका स्थानीय आक्रोशित भएका छन ।
