काठमाडौँ –यूरो कप २०२० को तयारीका लागि विभिन्न टोलीहरुले अन्तर्राष्ट्रिय मैत्रीपूर्ण खेल खेलिरहेका छन् । यूरो कप ११ जुनदेखि ११ जुलाईसम्म यूरोपका ११ शहरमा आयोजना हुँदैछ ।
लामो समयपछि राष्ट्रिय टोलीमा पूनरागमन गरेका करिम बेन्जेमाले पेनाल्टी चुकाए पनि विश्व विजेता फ्रान्सले अन्तर्राष्ट्रिय मैत्रीपुर्ण खेलमा १० खेलाडीमा समेटिएको वेल्सलाई ३–० ले पराजित गरेको छ ।
फ्रान्सको जितमा केलियन एमबाप्पे, एन्टोइन ग्रिजमन र औसमाने डेम्वेलेले गोल गरे । पहिलो हाफमा एक तथा दोस्रो हाफमा दुई गोल निस्किएको थियो ।
