नदीमा नुहाउने क्रममा डुबेर कैलालीमा दुई बालबालिकाको मृत्यु भएको छ । एक जना बालिका बेपत्ता भएकी छन् ।
भजनी नगरपालिका वडा नं. ९ को कन्द्रा नदीमा नुहाउने क्रममा डुबेका दुई बालबालिका मृत अवस्थामा फेला परेका छन्, बेपत्ता एक जनाको खोजी कार्य जारी रहेको प्रहरीले जनाएको छ ।
मृत्यु हुनेमा धन बहादुर सिंहकी छोरी ९ वर्षीया लक्ष्मी सिंह र राम फल चौधरीका ७ वर्षीय छोरी जानु चौधरी रहेको जिल्ला प्रहरी कार्यालय कैलालीका प्रबक्ता प्रहरी नायब उपरीक्षक प्रतीक बिष्टले बताए ।
बेपत्ता ६ वर्षीया अनु सिंहको खोजी भइरहेको छ ।
