सेयर कारोबार मापक नेप्से परिसूच आइतबार ०.६७ अंकले बढेर ३१०८.१२ अंकमा पुगेर रोकिएको छ। सेन्सिटिभ इन्डेक्स ०.११ अंकले वृद्धि भएर हरियो देखिएको छ। आइतबार २२७ कम्पनीको सेयर १४ अर्ब ३० करोड ८१ लाख ३६ हजार ८८७ रुपैयाँमा किनबेच भएको छ। आज २ करोड ६९ लाख ९६ हजार ३१३ कित्ता सेयर खरिदबिक्री भएको नेपाल स्टक एक्सचेन्जले जनाएको छ।
आज विभिन्न १३ उपसमूहमध्ये ७ उपसमूहको सेयर कारोबार घटेको छ भने ६ उपसमूहको कारोबारमा भने वृद्धि भएको छ। बैंक, होटल एन्ड टुरिजम,डेभलपमेन्ट बैंक,हाइड्रोपावर ,फाइनान्स म्युचुअल फन्डको कारोबारमा वृद्धि भएको हो।
यस्तै आइतबार एपी पावर,कर्पोरेट डेभलपमेन्ट बैंक, युनिभर्सल पावर कम्पनी, जीवन विकास वित्तीय संस्थाको सेयर १० प्रतिशतले बढेको छ। एपी पावर सबैभन्दा बढी कारोबार गर्ने कम्पनीमा परेको छ।
यो कम्पनीको ८१ करोड ५ लाख ८७ हजार बराबरको सेयर किनबेच भएको छ। आज यो कम्पनीको प्रति सेयर ६०७.२० रुपैयाँमा बन्द भएको थियो। यस्तै दोस्रो कमाउने कम्पनीमा अरुण हाइड्रोपावर डेभलपमेन्ट बैंक रहेको छ। यसले आज यस कम्पनीको ६० करोडभन्दा बढी रुपैयाँको सेयर किनबेच भएको छ।
