धनगढी,२७ साउन
कैलालीको भासु भिरमा जिप दुर्घटना ह हुँदा दुई जनाको मृत्यु भएको छ भने तीन जना घाइते भएका छन् ।
धनगढीदेखि गइरहेको जिप दुर्घटना हुँदा घाइते भएका दुई जनाको उपचारका लागि अस्पताल ल्याउँदै गर्दा बाटोमै मृत्यु भएको प्रदेश ट्राफिक प्रहरी कार्यालय अत्तरियाले जनाएको छ ।
मृत्युहुनेहरुमा कैलालीको चुरे गाउँपालिका– ६ की ३६ बर्सिया दुर्गा साउद र डोटीको जोरायल गाउँपालिका–१ की ५ बर्सिया एलिसा खड्का रहेका छन् ।
दुर्घटनामा जोरायल–१ का जिप चालक रमेश खड्का, २८ बर्सिया निर्मला खड्का र चुरे–६ का सुशील साउद घाइते भएका छन् ।
बुधवार कैलालीको चुरे गाउँपालिका वडा नम्बर ३ भासु भिरमा प्रदेश ३–०१ ००२३ च ९०५९ नम्बरको जिप भासु भिरमा खसेको जिल्ला प्रहरी कार्यालय कैलालीका प्रवक्ता प्रहरी नायब उपरीक्षक प्रतीक बिष्टले बताए ।
जिप सडकबाट तीन सय मिटर तल खसेको थियो ।
