कैलालीमा स्कुटर दुर्घटना हुँदा एकजनाको मृत्यु भएको छ । शनिबार लम्कीचुहा नगरपालिका–६ मा स्कुटर दुर्घटना हुँदा सोही ठाँउँ बस्ने १९ वर्षीय गोपाल चौधरीको मृत्यु भएको प्रहरीले जनाएको छ ।
प्रदेश ट्राफिक प्रहरी कार्यालय अत्तरियाका अनुसार सुपप्र ००१ –००८ प १७८० नम्बरको स्कुटर अनियन्त्रित भई शनिबार राति साढे १० बजे दुर्घटनामा परेको थियो । दुर्घटनाबाट गम्भीर घाइते भएका स्कुटर चालक चौधरीको लम्कीचुहा अस्पतालमा उपचारका क्रममा राति नै मृत्यु भएको जिल्ला प्रहरी कार्यालय कैलालीले जानकारी दिएको छ ।