गौरीफन्टा नाकामा एक ५२ वर्षीय पुरुषको मृत्यु भएको छ। भारतको खटीमाबाट उपचार गरेर फर्किएका कञ्चनपुरको कृष्णपुर नगरपालिका–१ दोमील्लाका खडकबहादुर शाहको नाकामा मृत्यु भएको हो।
प्रहरीका अनुसार गौरीफन्टा पुगेर चौतारीमा पल्टिरहेका उनले आफूलाई अस्पताल लग्न आग्रह गरे पछि सेती प्रादेशिक अस्पतालमा खबर गरेर एम्बुलेन्स मगाएको थियो।
तर एम्बुलेन्स आउनु अगावै शाहको ज्यान गएको हो ।
अहिले उनको शव सेती अस्पतालमा राखिएको जिल्ला प्रहरी कार्यालय कैलालीले जनाएको छ ।