धनगढी-रिलायबल नेपाल लाइफ इन्स्योरेन्स धनगढी शाखाले अभिकर्ता सम्मान तथा उत्प्रेरणा कार्यक्रम सम्पन्न गरेको छ । इन्स्योरेन्सका सुदूरपश्चिम प्रदेश प्रमुख चन्द्र बहादुर बिस्टको प्रमुख आतिथ्यमा शनिवार धनगढीमा भएको कार्यक्रममा ८० जना अभिकर्ता मध्ये विभिन्न विद्यामा गरी ४० जनालाई सम्मान गरिएको हो ।
कार्यक्रममा एमडिआरटी हरजित नाथ,सुमना भण्डारी र पूर्व एमडिआरटी वासुदेव भट्ट ,सिनियर एजेन्सी मेनेजर थानेश्वर प्रसाद भट्ट ,एजेन्सी द्रोपती भट्ट (मेघा) र मंगलम गुरु लगायत विभिन्न एजेन्सी मेनेजरहरुले आआफ्नो अनुभव आदान प्रदान गरेका थिए । कम्पनीका कर्मचारी जय प्रकाश अवस्थीले रिलायबल नेपाल लाइफले यस्ता कार्यक्रम बेला बेलामा भइरहेको बताउँदै इन्सोरेन्सले छोटो समय मा उल्लेख्य प्रगति गर्नु सफल भएको जानकारी गराए ।
धनगढी शाखा निमित्त प्रमुख विक्रम सिंह बोगटी को अध्यक्षतामा भएको कार्यक्रमको सञ्चालन जय प्रकाश अवस्थीले गरेका थिए ।
