धनगढी-कैलालीमा कोरोना रोकथामका लागी जारी निषेधाज्ञा थप एक साता लम्बिने भएको छ। डिसीएमसिको सिफारिसमा जिल्ला प्रशासन कार्यालय कैलालीले जेठ १३ गते सम्म निषेधाज्ञा लम्बाउने तयारी गरेको छ ।
जिल्ला प्रशासनका निमित्त प्रमुख जिल्ला अधिकारी हिरुलाल चौधरीको अध्यक्षतामा बसेको बैठकले कोरोना सङ्क्रमण झन् बढ्दो क्रममा रहेको भन्दै निषेधाज्ञाको अवधि लम्बाउन सुझाव दिएको थियो । ‘
निमित्त प्रमुख जिल्ला अधिकारीद्वारा आदेश जारी हुन बाँकी छ,१३ गते सम्म निषेधाज्ञा लम्बाउने तयारी गरेका छौँ,जिल्ला प्रशासन कार्यालय कैलालीका सूचना अधिकारी शिवराज जोशीले भने,केही बेरमा आदेश जारी हुन्छ।
