नेपाल सरकारका अर्थमन्त्री विष्णुप्रसाद पौडेलले शनिबार प्रस्तुत गरेको बजेटमा सुदूरपश्चिम क्षेत्रका अगुवाहरुले मिश्रित धारणा राखेका छन्। सुदूरपश्चिमप्रदेश सभामा प्रमुख प्रतिपक्षी दल नेपाली कांग्रेसका नेता रणबहादुर रावलले भने बजेट पूर्णतया वितरणमुखी आएकाले ३० प्रतिशत स्रोत जुटाउन गाह्रो हुने बताए।
उनले भने, अहिलेको बजेट स्वास्थ्य केन्द्रीत आउनु पर्ने थियो तर स्वास्थ्य क्षेत्र तेस्रो प्राथमिकतामा छ। स्वास्थ्यलाई भन्दा भौतिक र शिक्षाको विकास र चुनाव केन्द्रीत रहेको उनले बताए।
यद्यपी स्वयमसेविका, न्युनतम तलव र विद्युतिय बसको कुरा राम्रो छ नेता रावलले बताए। यसैगरी प्रदेश सभा सदस्यतथा सत्तारुढ दलका युवा नेता लीलाधर भट्टले बजेट जोखिमपूर्ण अवस्थालाई समेटेर प्रस्तुत भएको बताए। नेता भट्टले सुदूरपश्चिमको सवाललाई पनि बजेटमा राम्रोसित समेटिएको बताए।
कैलाली बहुमुखी क्याम्पसका पूर्व क्याम्पस प्रमुख सुरेन्द्र चन्दले बजेट आशावादी रहेको भएपनि विषम परिस्थितिमाआम्दानी जुटाउन गाह्रो हुने बताए। उनले भने, अतिआवश्यक क्षेत्रलाई मात्र प्राथमिकतामा राख्न बजेट चुकेको छ ।
खप्तड क्षेत्र पर्यटन विकास तथा व्यवस्थापन विकास समितिका कार्यकारी निर्देशक भीमबहादुर खड्काले खप्तडको विकासका कुरामा ध्यान दिएको भएपनि ठ्याक्कै बजेट तय नभएको धारण राखे। सुदूरपश्चिमप्रदेश सरकारका पूर्व आर्थिक मामिलातथा योजनामन्त्री झपट बोहराले पहिलो पटक यर्थाथपरक ऐतिहासिक र समाजबाद उन्मुख बजेट आएको टिप्पणी गरे। – महेन्द्रनगरपोष्ट
