कैलाली जोशीपुर गाउँपालीका ७ का पदम राज अवस्थी काधंमा झोला बोक्दै गौरीफन्टा नाकामा लाईनमा उभीरहेका थिए । बाँया काधंमा एक हातले झोला समात्दै लाईनमा उभिएका उनी भारत जान हतार हतारमा थिए । हामीले उनलाई सोध्यौँ अहिले कोरोना माहामारी चलिरहेको छ । निषेधाज्ञा छ, भारतमा कोरोना सँक्रमण बढीरहेको छ, मृत्युदर बढेको छ । यस्तो अवस्थामा अहिले किन भारत जाँदै हुनुहुन्छ रु उनको एउटै जवाफ थियो, गरीबीका कारण जाँदै छौँ हजुर, खानलाई पुग्दैन यहाँ के गर्ने, उनले भने । हामीले फेरी सोध्यौँ, सरकारले रोजगारीका गुमाएकालाई स्वरोजगार बनाउने भनेको थियो त, केही गरेनन्, उनले फेरी भने, सरकारले रोजगारी दिए त दोस्रा ठाउँ किन जानुपर्ने, दिए त यतै काम गथ्र्यौँ नि, अहिले कोरोनाकै माहामारीकै बिच जानुपर्ने बाध्यता भयो, उनले भने । हो उनी जस्ता कोरोना माहामारीका बेला रोजगार गुमाएर स्वदेश भित्रीएका सुदुरपश्चिमेली पुनः भारत जानेहरुको भनाई हो यो ।

अहिले गौरीफन्टानामा भारतबाट आउने भन्दा सुदुरपश्चिमबाट भारत जानेको सँख्या बढेको छ । यस्तै अहिले पदम राज अवस्थी मात्रै हैनन् उनीजस्ता दैनिक सयौँ संख्यामा सुदुरपश्चिमेलीहरु पुनः कामका लागी भारत जानका गौरीफन्टा सिमानाकामा लाईन उभिएका छन् । कैलालीको गोदावरी नगरपालीका वडा नम्बर ७ का चन्द्र बहादुर बिष्ट सहित उनकी श्रीमती पनी सिमानाकामा प्रहरीको चेकीङको लाईनमा थिईन् । प्रहरीले साध्यो किन भारत जाँदै हुनुहुन्छ। यतै काम गरेर हुँदैन् । उनको जवाफ थियो । आफ्नै देशमा काम गर्ने रहर किन हुँदैन र काम नपाएको र समस्याले नै भारतमा जान लागेको उनीहरुले भने । उनीहरु पुनः भारतीय सुरक्षाकर्मी चेकीङको लाईनमा लागेका थिए । हामीले साध्यौँ अहिले यती छिट्टै किन भारत जादैँ हुनुहुन्छ, उनी उनीहरुले भने, बाध्यता भएर नै काम खोज्दै भारत जानलागेको । घरमा लाउनखान, बालबच्चालाई पढाउन र घरको रिण तिर्न भारत जान लागेको हुँ उनले भने । यस्तै भनाई उनीहरुको मात्रै हैन् रोजगार गुमाएर स्वदेश भित्रीइ एका पुनः भारत जान लागेका सुदुरपश्चिमेलीहरुको भनाई पनी यही छ ।

कोरोना भाइरसको दोस्रो लहर चलिरहेकै बेला स्वदेश भित्रीएका सुदुरपश्चिमेलीहरु पुनः कामको लागी भारत जान थालेका छन् । भारतमा कोरोनाको दोस्रो लहर फैलिएसँगै संक्रमण र मृत्युदर बढ्न थालेपछि स्वदेश भित्रीएका सुदुरपश्चिमेलीहरु निषेधाज्ञाकै बिच पुनः भारत जान लागेका हुन् । भारतमा गएका नेपालीहरु रोजगारी गुमाएर स्वदेश फर्किएका थिए । अहिले उनीहरु सिमानाका गौरीफन्टा नाका भएर दैनिक सयौंको संख्यामा भारत गइरहेका छन् । भारतमा कोरोना संक्रमणको जोखीम र मृत्युदर बढ्दै गइरहेको अवस्थामा पनी निषेधाज्ञाको कुनै प्रवाह नगरी भारतका बिभिन्न शहरहरुमा उनीहरु कामका लागी जान बाध्य बनेका छन् । बर्खेबाली लगाउने समय र घरको काम छोड्दै लालनपालनकै समस्याले बिदेशिन बाध्य भएका हुन् ।

भारत जानु भन्दा स्वदेशमै केही गर्ने सोच उनीहरुको छ । त्यस्का लागी सरकारले केही नगरेको उनीहरुको भनाई छ । तर अहिले गौरीफन्टा नाका भएर स्वदेश भित्रीनेभन्दा बाहिरीने नेपालीको सँख्या बढेको छ । चैत देखी जेठ महिनाको हालसम्म ५३ हजार ३ जना बढी गौरीफन्टा नाका भएर स्वदेश भित्रीएकोमा यही अवधीसम्म १८ हजार ७ सय ७२ जना भन्दा बढी पुनः भारत गएका छन् । प्रहरी चौकी पत्रकडीया कञचनपुर र त्रिनगरनाका हेल्थ डेक्सका अनुसार सो संख्यामा नेपालीहरु गौरीफन्टानाका भएर आवत जावत भैसकेको जनाएका छन् । त्रिनगरनाका हेल्थ डेक्सका इन्र्चाज गणेश बम साउँदका अनुसार चैत महिनामा ९ हजार ९० जना, बैसाखमा ३ हजार ९ सय ९३ जना र जेठको हालसम्म ५ हजार ६ सय ८९ जना गरी १८ हजार ७ सय ७२ जना भारत गएका छन् । अहिले दैनिक ५ सय भन्दा बढी भारतमा गएको बताउँदै आउने नेपाली भन्दा जाने संख्या बढेको उनले जानकारी दिए ।