बैतडी – बैतडीमा एक पुरुष मृत अवस्थामा भेटिएका छन्।
जिल्लाको सिगास गाउँपालिका वडा नम्बर २ कुर्चिनेटामा मृत भेटिएका हुन् ।उनी कञ्चनपुरको बेतकोट नगरपालिका ७ का ३० बर्षिय मिनराज भट्ट रहेको जिल्ला प्रहरी कार्यालय बैतडीका प्रवक्ता प्रहरी निरीक्षक दर्शन खड्काले बताए।
भट्टको शव आइतबार साँझ ६ बजे सडक छेउमा लडीरहेको अवस्थामा भेटिएको प्रहरी निरीक्षक खड्काले बताए।
उनी कन्चनपुर बाट आयुर्वेदीक अस्पताल गाँजरीमा नियुक्ति बुझ्न बैतडी गएको बुझिएको छ। घटनाबारे थप अनुसन्धान भईरहेको प्रहरीले जनाएको छ।
