कैलालीको गोदावरी नगरपालिकाले २५ जना किसानहरु आवद्ध कृषक समुहलाई हाते च्याप कटर वितरण गरेको छ।
आर्थिक वर्ष २०७७र०७८ को निति तथा कार्यक्रम अनुसार नगरपालिकाको वडा नम्बर ३ मा रहेको शिखर भैँसी पालन कृषक समुहलाई २५ जना किसानलाई हाते च्याप कटर वितरण गरिएको हो।
शुक्रबार उपप्रमुख रत्ना कडायतले एक अनौपचारीक उक्त कृषक समुहका अध्यक्ष यज्ञराज अवस्थीलाई सामग्री हस्तान्तरण गरिन।
उपप्रमुख रत्ना कडायत भैसी पालन गर्ने किसानहरुको प्रोत्साहनका लागी सामग्री वितरण गरिएको बताईन।
यस्तै कार्यक्रममा बोल्दै नगरपालिकाको कृषि शाखाका प्रमुख राम बहादुर सार्कीले आर्थिक वर्ष २०७७र०७८ को निति तथा कार्यक्रम अनुसार सामग्री वितरण गरिएको बताए ।
उनले उक्त कृषक समुहमा रहेका २५ किसानका लागी १ सय ३६ थान रंगिन जस्तापाता पनि वितरण गरिएको बताए । उनले उक्त सामग्री वितरणका लागी नगरपालिकाले ४ लाख ७७ हजार १ सय ६० रुपैया विनियोजित गरेको बताए ।
