धनगढी – कैलालीमा भरुवा बन्दुकसहित एक जना पक्राउ परेका छन्। जिल्लाको मोहन्याल गाउँपालिका ६ नारासोतीका ५० वर्षीय गंगाराम जैशीलाइ पक्राउ गरेको प्रहरीले जनाएको छ ।
उनलाई गएराति साढे नौ बजे सोही ठाउँमापर्ने सेतीखोर गाउँको बिच जंगलमा हिडिरहेको अवस्थामा फेला पारी तलासी गर्दा भरुवा बन्दुक फेला परेको जिल्ला प्रहरी कार्यालय कैलालीले जनाएको छ। उनीविरुद्ध हातहतियार शीर्षकमा मुद्दा दर्ता गरी थप अनुसन्धान गरिरहेको प्रहरीले बताएको छ।