धनगढीमा साइकल लेन सञ्चालन भएको छ । मोहनापुल-अत्तरिया ६ लेन सडकखण्डमा६ लेन सडकखण्डको कैलाली भन्सारदेखि धनगढी विमानस्थलसम्म धनगढी उपमहानगरपालिकाले साइकल लेन निर्माण गरेर शनिबारदेखि सञ्चालन गरेको हो ।
लेनको उद्घाटन गर्दै नगर प्रमुख गोपाल हमालले साइकल यात्रीहरूलाई सडक दुर्घटनाबाट जोगाउन र सहरको सौन्दर्यको लागि छुट्टै लेन निर्माण गरिएको बताए।
धनगढी उपमहानगरपालिकाले ठेक्का आह्वान गरेर ६ लेन सडकखण्डमा साइकल लेन निर्माण गरेको थियो । उद्घाटन कार्यक्रमपछि साइकल यात्रीहरूले सडकमा साइकल चलाइरहेका छन् ।
