प्रसिद्द धार्मिक तथा प्रयटकिय स्थल पाताल भुमेश्वरमा टिम नेपो बैतडीले सरसफाइ कार्यक्रम सम्पन्न गरेको छ ।बैतडीको सुर्नया गाउँपालिका–२ वासुलिङ्गमा अवस्थित नेपालकै गहिरो प्राचिन गुफा समेत रहेको पाताल भुमेश्वर प्रचार प्रसारको कमीले ओझेलमा परिरहेका बेला टिम नेपोले भने सरसफाइ गरेको छ।बैतडीकै उच्च स्थानमा अवस्थित पत्ताल भूमेश्वर एक तीर्थस्थल पनि हो । यस ठाउँमा रहेको तलाउको पानी एकपटक शिरमा चढाउनै पर्ने र यसो गरेमा पवित्र भइन्छ भन्ने जनविश्वास रहिआएको छ ।
संरक्षणका साथै यस को जगेर्ना गरि धर्म र संस्कृती बचाउनु पर्छ भन्ने मुल्य मान्यताको आत्मसात गर्दै टिम नेपो बैतडीद्वारा पत्ताल भुमेश्वर मा सरसफाइ कार्यक्रम गरिएको टिम नेपो बैतडीका मेम्बरसिप कोर्डिनेटर नवीन बिष्टले बताए।जनस्वास्थ्यका मापदण्ड र सरकारका निर्देशनभित्र रहेर सरसफाइ कार्यक्रम सम्पन्न गरेको बताउदै संस्थाका जिल्ला संयोजक धर्म सिह मडैले भन्नुभयो ,”प्रयटकिय क्षेत्रको जगेर्ना गर्नु सबैको कर्तव्य भएकोले आगामी दिनमा पनि सबै सङ्ग हातेमालो गर्दै अगाडी बढ्ने कुरामा हामी प्रतिबद्द छौं ।” सरसफाइ संगै संस्थाले ठाउँठाउँमा डस्ट्बिनहरु पनि राखेको छ भने प्रबेशद्वारमा स्वागत ब्यानर पनि राखेको छ।उक्त कार्यक्रममा जिल्ला कार्यसमिति संयोजक धर्म मडैका साथै नवीन बिष्ट, भुबी बिष्ट, भागरथी भट्ट र केही स्थानिय युवाहरुको सहभागिता रहेको थियो। संस्थाको सुदुरपश्चिम प्रदेश संयोजकमा अमृत बिस्ट तथा सचिवमा पारस खड्का रहेका छ्न।
गैरनाफामुलक सामाजिक संस्था टिम नेपोले युवा नेतृत्व, शिक्षा , स्वास्थ्य, बाताबरणिय सुरक्षालाई आफ्नो मुख्य कार्य क्षेत्र बनाउदै विगत लामो समय देखि काम गर्दै आएको छ।
टिम नेपो बैतडीद्वारा पत्ताल भुमेश्वरमा सरसफाइ कार्यक्रम सम्पन्न
टिम नेपो बैतडीद्वारा पत्ताल भुमेश्वरमा सरसफाइ कार्यक्रम सम्पन्न
- अ
- अ
- अ
तपाईको प्रतिक्रिया
संबन्धित शिर्षकहरु